ulus pahrai
آمريکی ءُ اسرائيلی بالی گرابان ماں تهران ءُ دمشقءِ آسمانا
رند چه فلسطين(غزّهءِ کِـشک) ءُ لبنان که اسرائيلءِ پؤج چه زمين ءُ هوا آوانی سرا اروش کرتگ،
سے شنبه 18 جولای اسرائيل ءُ امريکی جنگی بالـی گرابان تهران ءُ دمشقءِ آسمانا وديگ بوت اَنت
سنگتی که هوائی ٹـکنيکءِ تها بزانتی هست گوشيت، بالی گرابان مان سے ٹـيـم : راهگشا، جنؤک(بمباری) ءُ پانگ( محافظ) اے چکاسءِ توکا بهر زرتگ اَنت
تهرانءِ شوينيسم ليدران گؤن ترسی که آوانا چکاپتگ اَت، په خامنه ایءِ فرمانا پيش چه ايش که هالان رؤتاکانءِ تها تالان به بنت، هدارکی ديوان گراَنت ءُ فرمانی درشان کن اَنت
اے فرمانءِ تؤکا گوشگ بوتگ : هر تؤکی رؤتاک، ريڈيو يا ميڈياءِ واهندی که اے هالا شنگ بکنت، جنگی حکم ءُ شر آيیءِ سرا پربندگ بيت
نوں تهران ءُ دمشق زردين جاورءِ(وضعيت زرد) تؤکا شتگ اَنت که اگان گيشين ردی چه آوان زانگ به بيت، زردين جاور په سهرين جاور بدل بيت
زردين جاور سبب بيت که ڈنی ملکان وتی مردمانا که تهران ءُ دمشقءِ سفارتان ءُ کمپنيانءِ تها کار کنگائنت چه آ ملک بلؤٹائين اَنت
آمريکاءَ مان اوگانستان، آذربايجان، عراقی کوردستان ءُ خليجءِ آپان هوائی پـڑ ءُ جاگاه هست
__._,_.___